God is goed.

BELEEF | BEHOORT | BEïNVLOED.

1. Beleef.

ALLES BEGIN WANNEER JY GOD BELEEF.

SONDE.
God is Heilig. Die kleinste oneerlike gedagte se straf is die dood. Met ons opeenhoping van sonde staan niemand ‘n kans om heilig voor God te staan nie.
JESUS.
Niks wat jy kan doen kan maak dat God jou liewer het as wat Hy reeds doen nie. Dit is juis hierdie liefde hoekom Jesus aarde toe gekom het, gesterf het en opgestaan het. Hy het ons straf vir sonde op Homself geneem sodat jy ‘n verhouding met God kan geniet.
REDDING.
Redding is ‘n gratis geskenk wat jy ontvang deur geloof te plaas in Jesus se dood en opstanding. As jy gered wil wees vandag, is dit juis God wat hierdie begeerte in jou wakker maak.

Gebed om te bid.

Hemelse Vader. Ek kom na U as ’n sondaar wat ’n Verlosser nodig het. Ek glo dat Jesus Christus die Seun van God en die Verlosser van die wêreld is. Vandag maak ek Jesus die Here van my lewe. Ek glo Hy het gesterf sodat ek vergewe kan word en weer opgestaan het om vir my lewe te gee. Deur U genade ontvang ek hierdie nuwe lewe. Dit is my nuwe begin. Ek is ’n kind van God. Dankie dat U my gered het, Jesus. Amen.

het jy dit gebid? laat ons weet.

Gee my tog weer die vreugde van u redding en maak my gewillig om U te gehoorsaam.

Psalm 51:14

Verstaan Jesus se liefde.

As jy God se liefde aanvaar het, is jou hart nou vernuwe. Jou denke moet nog vernuwe word. Dit is nou tyd om te groei, om God lief te hê met jou verstand. Leer jou verstand wat met jou hart gebeur het. Dit is belangerik om God lief te hê met jou hele hart en jou verstand.

2. Behoort.

Jy kan Jesus dalk aanlyn vind, maar jy kan Hom nie aanlyn volg nie. Dit is nodig dat jy om ander gelowiges kom wat saam deel is van ‘n kerk wat jy jou geestelike tuiste noem. Hierdie groep mense gaan vir jou plek maak, na jou luister en vir jou lief wees. Ons kry geloof deur God te beleef, maar ons lewens verander wanneer of voel ons behoort. Raak deel van ‘n gesonde (nie perfek) kerk waar dit gaan oor Jesus.

Ons kerk bied verskeie spasies aan waar jy kan voel jy behoort. Van kleingroepe, tot sosiale byeenkomste en selfs kursusse. Besoek ons HUB om meer uit te vind. Jy is ook welkom om ons direk te kontak, ons help graag.

INVLOED HUB

3. Beïnvloed.

Hierdie is die wenstreep van elke gelowige se reis saam God. Ons is eers gered en nou geroep om ander te help om ook God se redding te ervaar. Jy kan iemand lei na God toe. Jy kan die wêreld verander, een persoon op ‘n slag. Raak deel van ons gemeente om saam ‘n verskil te maak in ons onmiddelike omgewings.

MAAK 'N VERSKIL