Kerk vir Kinders.
Vir gesinne om die regte kerk te vind, is een van die belangrikste aspekte ‘n plek waar hul kinders geloof veilig kan verken én dit geniet. By Invloed Kids bedien ons met die vreugde van Jesus en maak God se Woord opwindend en prakties. Hier kan kinders kerk geniet saam met ou vriende en nuwes maak.
Ons maak dit lekker en relevant om oor God te leer. Elke week neem jou kind deel aan interessante, ouderdomsgepaste Bybellesse wat help om hul geloof op te bou. Ons het nie kindertoesig nie, maar eerder ‘n volwaardige kinderkerk.
Elke kind se veiligheid is ons prioriteit, daarom hou ons streng by maatreëls wat dit verseker. Ons gebruik ook ‘n inboek- en afhaalstelsel. Hierdeur kan ons ook kontak maak met jou as ouer gedurende die diens, sou ‘n krisis met jou kind dit noodsaak.
Invloed Kids kweek ‘n sterk gemeenskap en die gevoel van ‘ek behoort’ vir ons kinders.
Inseëning.
DOOP OF inseëning
Sodra kinders op ‘n plek kom waar hulle uit hulle eie besef en besluit om hulle geloof in Jesus te sit, sal ons hulle doop. Voor kinders daar kom, seën ons hulle.
JESUS MET KINDERS
In Markus 10:16 lees ons hoe Jesus toewydingsoomblik skep ekslusief vir kinders. Hy het hul nie gedoop nie, maar geseën.
OUERS
Kinder-Inseëning is tweeledig. Wanneer jy jou kind aan God wy, is daar ‘n geestelike anker wat vas slaan in jou kind. Daar is ook ‘n verantwoordelikheid tot hul kind en afhanklikheid van God wat die ouers voor almal bely.
ONTHOU
Dit is belangrik dat elke ouer die dag van hul kinders se inseëning herdenk deur elke jaar weer op die dag vir hulle te bid en te seën.
Doop.
WIE KWALIFISEER
God ontmoet en werk in kinders sodat hulle ook hul lewens in vertroue aan Hom toewy. Enigeen wat glo met hulle hart en bely met hulle mond dat Jesus gesterf en opgestaan het [en natuurlik die betekenis daarvan verstaan] kan gedoop word.
OUDERDOM
Studies wys dat kinders van ongeveer 8 jaar oud af, hierdie bekeringsbesef volwaardig kan verstaan en kies.
WAAR
Meeste van die keer doop ons by Curro se swembad na afloop van die diens. Ander kere doop ons by ‘n ander gereëlde plek.
JOU GETUIENIS
Dit is van elke kind se eie belang dat hy/sy hul getuienis deel met ander rakende die oploop en die dag van die doop.
Raak Betrokke.
Daar is verskeie plekke vir ouers, kinders en tieners om ‘n onmiddelike verskil te maak by Invloed Kerk se byeenkomstes.
